မြေအသုံးချမှုနှင့် ရပိုင်ခွင့်များအတွက် အစီရင်ခံစာထုတ်

အပြည်ပြည်ဆိုင်ရာ အင်န်ဂျီအိုတစ်ခု ဖြစ်သော Displacement Solutions က မြန်မာနိုင်ငံ
တစ်ဝန်းရှိ အဆောက်အအုံ၊ လယ်ယာမြေနဲ့ အိမ်ရာကဏ္ဍ အသုံးချနိုင်ခွင့်များ (Housing Land
and Property - HLP Rights) အတွက် ပြည့်စုံစွာဖော်ပြထားသော အစီရင်ခံစာတစ်ရပ် ထုတ်ပြန်
လိုက်ပြီဖြစ်သည်။
အစီရင်ခံစာ တင်သွင်းနိုင်ရန်အတွက် ၂၀၁၂ ခုနှစ်၊ ဖေဖော်ဝါရီလမှ စတင်ခါ မွန်ပြည်နယ်၊ ကရင်
ပြည်နယ်၊ ကယားပြည်နယ်၊ ရှမ်းပြည်နယ်များသို့ လှည့်လည်သွားရောက်၍ ပြည်နယ် တစ်ခုချင်းစီ
အလိုက် မြေယာအသုံးချခွင့်နှင့် ပိုင်ဆိုင်နိုင်မှုအခြေအနေများကို လေ့လာဆန်းစစ်ခဲ့သည်ဟု
သိရသည်။
"သွားရောက်လေ့လာခဲ့ရာကနေ တွေ့ရှိချက်တွေအရ ပြည်နယ်တစ်ခုစီ၊ တိုင်းတစ်ခုစီမှာ အနည်း
ငယ်စီ ကွဲပြားမှုရှိပါတယ်။ ဒါပေမဲ့ အားလုံးကို ခြုံငုံသုံးသပ်ရမယ်ဆိုရင် အဆောက်အအုံ၊ လယ်ယာ
မြေနဲ့ အိမ်ရာကဏ္ဍ အသုံးချမှုပေါ်လစီက ဒေသတွင်း ငြိမ်းချမ်းရေးနဲ့ လက်နက် လဲယူထားတဲ့
ကေအင်န်ယူ၊ ဒီကေဘီအေ စတဲ့ လက်နက်ကိုင် အဖွဲ့အစည်းတွေနဲ့လည်း သက်ဆိုင်သလို
အရပ်သားအဖွဲ့ အစည်းတွေနဲ့လည်း သက်ဆိုင်ပါတယ်။ ဘာဖြစ်လို့လဲဆိုတော့ အပစ်အခတ်ရပ်စဲဖို့
အတွက် လက်နက်နဲ့ ငြိမ်းချမ်းရေးယူထားတဲ့ အဖွဲ့အစည်းတွေရဲ့ ပြုပြင်ပြောင်းလဲမှု ဖြစ်စဉ်တွေ
ကနေတစ်ဆင့် ပြည်နယ်/တိုင်းတွေမှာရှိတဲ့ လယ်မြေတွေကို ရင်းနှီးမြှုပ်နှံမှု အတွက် အသုံးပြုမယ့်
မြေယာတွေအဖြစ် ရင်းနှီးမြှုပ်နှံမှုကုမ္ပဏီကြီးတွေက လုပ်ဆောင်လာနိုင်လို့ပဲ ဖြစ်ပါတယ်"ဟု
Displacement Solutions မှ ကျွမ်းကျင်သူပညာရှင် Mr Geoffrey Myint က ပြောကြားသည်။
"တချို့ဒေသမှာဆိုရင် စစ်တပ် အုပ်ချုပ်မှုအောက်မှာ ကျန်ရှိနေတဲ့မြေတွေက သိမ်းယူရာမှာ အခရာ
ဖြစ်ပေမယ့် တချို့နေရာတွေကျတော့ ရင်းနှီးမြှုပ်နှံမှု ကုမ္ပဏီကြီးတွေက ၀င်ရောက်သိမ်းယူထားတဲ့
အတွက် ဒေသတော်တော်များများမှာ အဆောက်အအုံ၊ လယ်ယာမြေနဲ့ အိမ်ရာကဏ္ဍ အသုံးချ
နိုင်ခွင့်တွေ လျော့နည်းလာမှာကို စိုးရိမ်စရာ ဖြစ်လာရပါတယ်။ လေ့လာတွေ့ရှိရသလောက်
ကရင်ပြည်နယ်မှာဆိုရင် မြေယာပိုင်ဆိုင်ဖို့အတွက် စာရွက်စာတမ်း အထောက်အထားတွေ
အများကြီး လိုအပ်သလို အပစ်အခတ် ရပ်စဲထားတဲ့နေရာတွေမှာရှိတဲ့ လယ်ယာမြေတွေ သိမ်းယူမှု
မှာလည်း ဒီလိုပဲ အထောက်အထားတွေ အများကြီး လိုအပ်တာ တွေ့ရပါတယ်။ မြင်မိသလောက်
မွန်ပြည်နယ်နဲ့ ရှမ်းပြည်နယ်တွေမှာလည်း ဒီလိုပဲလိုအပ်ချက်တွေ ရှိနေပါတယ်"ဟု Mr Geoffrey
Myint က ပြောသည်။
ထို့ပြင် အများစုမှာ အစိုးရစစ်တပ်မှ သိမ်းယူထားသော မြေများဖြစ်ပြီး လက်ရှိအချိန်တွင် ပုဂ္ဂလိက
ကုမ္ပဏီကြီးများ နာမည်ခံ၍ အသုံးပြုလုပ်ကိုင်လျက်ရှိသည်ဟု အစီရင်ခံစာတွင် ဖော်ပြထားသည်။
မြေအသုံးချမှုနှင့် အဆောက်အအုံ၊ လယ်ယာမြေနဲ့ အိမ်ရာကဏ္ဍအသုံးချနိုင်ခွင့် အခြေအနေများကို
ရှမ်းပြည်နယ်၌ လေ့လာခဲ့ရာတွင်အဆိုပါ ဒေသများ၌ လယ်ဧက အမြောက်အမြားကို ရင်းနှီးမြှုပ်နှံ
သူများက ရေအားလျှပ်စစ်ကဲ့သို့သော စီမံကိန်းများ ဆောင်ရွက်ရန်အတွက် သိမ်းပိုက်ထားကြသည်
ဟုလည်း Mr Geoffrey Myint က ပြောသည်။
"သွားရောက် စစ်တမ်းကောက်ယူလေ့လာခဲ့တဲ့ အကြောင်းအရာတွေကို ခြုံငုံသုံးသပ်ရမယ်ဆိုရင်
အဆောက်အအုံ၊ လယ်ယာမြေနဲ့ အိမ်ရာကဏ္ဍအသုံးချနိုင်ခွင့် (Housing Land and Property -
HLP Rights) က နိုင်ငံတစ်ဝန်းမှာရှိတဲ့ တိုင်းရင်းသား လုပ်ငန်းရှင်တွေနဲ့ ပြည်တွင်း လက်နက်ကိုင်
အဖွဲ့အစည်းတွေနဲ့ အဓိကသက်ဆိုင်မှု ရှိတာကို တွေ့ရှိခဲ့ရပါတယ်။
သက်ဆိုင်ရာ ပြည်နယ်နဲ့တိုင်းတွေရဲ့ အထူးသဖြင့် ဒေသခံတိုင်းရင်းသားလုပ်ငန်းရှင်တွေ တည်ရှိနေ
ထိုင်တဲ့ နေရာမှာတွေ့ရှိရတဲ့ မြေယာအသုံးချခွင့်တွေက ရင်းနှီးမြှုပ်နှံသူတွေကိုသာ အကျိုးအမြတ်
များစေတာ တွေ့ရပြီး ဒေသခံလယ်သမားနဲ့ တောင်ယာလုပ် ကိုင်စားသူတွေအတွက်တော့ အကျိုး
အမြတ် သိပ်မဖြစ်ထွန်းစေတာကိုလည်း လေ့လာ သိရှိခဲ့ရပါတယ်။
ငြိမ်း ချမ်းရေးအတွက် အပစ်အခတ်ရပ်စဲထားတဲ့ အဖွဲ့အစည်းတွေက လယ်ယာမြေအရင်းအမြစ်
ကြွယ်ဝချမ်းသာတဲ့နေရာမှာရှိတဲ့ လယ်ယာမြေတွေကို ရယူမှုနဲ့ သိမ်းပိုက်မှုတွေကလည်း တစ်နည်း
အားဖြင့် အစိုးရနဲ့ လက်နက်ကိုင် အဖွဲ့အစည်းတွေကြားမှာ ပဋိပက္ခတွေ ထပ်မံတိုးပွားစေတဲ့
အကြောင်းရင်းတွေပါပဲ"ဟုလည်း ၎င်းက ပြောကြားခဲ့သည်။
Credit The Myanmar Times