Monday, March 06, 2017

ရောင်ခြည်ဦးအလုပ်သမားများအဖွဲ့က အရည်အသွေးမြှင့်တင်ရေးသင်တန်းပြုလုပ်



Image may contain: 3 people, people sitting, table and indoor
ထိုင်း -မြန်မာ နယ်စပ် မဲဆောက်မြို့အခြေစိုက် ရောင်ခြည်ဦးအလုပ်သမားများအဖွဲ့က ကမကထပြုပြီး ရောင်ခြည်ဦး အလုပ်သမားများအဖွဲ့ရဲ့Trainning Team အဖွဲ့ဝင်တွေနဲ့ စေတနာ့ဝန်ထမ်းတွေအတွက် အရည်အ သွေးမြှင့်တင်ရေးသင်တန်း ကို မတ်လ (၆)ရက်နေ့က ရောင်ခြည်ဦးအလုပ်သမားများ အဖွဲ့ရုံးမှာပြုလုပ်ခဲ့ ပါတယ်။
 Image may contain: 10 people, people sitting, people eating, table, child, indoor and food
ရောင်ခြည်ဦးအလုပ်သမားများအဖွဲ့ဟာ မဲဆောက်ဒေသတွင်း မြန်မာရွှေ့ပြောင်းအလုပ်သမားတွေအတွက် လူ့အခွင့် အရေး၊ အလုပ်သမားအခွင့်အရေး အလုပ်သမားသမဂ္ဂပညာပေးရေးနဲ့ လိင်နဲ့ လိင်ကွဲပြားမှုအခြေပြု သင်တန်း တွေကို ပြုလုပ်ပေးလျက်ရှိနေတဲ့အဖွဲ့အစည်းဖြစ်ပါတယ်။မြန်မာရွှေ့ပြောင်းအလုပ်သမားထုကြား အသိပညာဖြန့်ဝေတဲ့ သင်တန်းတွေပေးရာမှာ အဆင်ပြေချောမွေ့ပြီး ထိရောက်မှုရှိစေဖို့ရည်ရွယ်ပြီး ရောင်ခြည်ဦးအလုပ်သမားများအဖွဲ့ရဲ့ လုပ်ငန်းဌာနတခုဖြစ်တဲ့ Trainning Team အဖွဲ့ဝင်တွေနဲ့ မြန်မာရွှေ့ပြောင်းအလုပ်သမားထုကြားက စေတနာ့ဝန်ထမ်းတွေအတွက် အရည်အသွေး မြှင့်တင်ရေး သင်တန်းကို ပြင်ပက သင်တန်းနည်းပြဆရာ တစ်ဦးကို ဖိတ်ကြားပြီး ပြုလုပ်ခဲ့တာဖြစ်တယ်လို့သင်တန်း ဖြစ်မြောက်ရေး ဦးဆောင်သူတွေက ပြောပါတယ်။

မဲဆောက်ဒေသတွင်းမှာ သင်တန်းတွေနဲ့ ပတ်သက်ပြီး နည်းပြဆရာအဆင့် အတွေ့အကြုံရင့်ကျက်သူတစ်ဦးကို ဖိတ်ကြားပြီး အရည်အသွေးမြှင့်တင်ရေးသင်တန်းပြုလုပ်ကာ သင်တန်းသား (၁၅)ဦးတက်ရောက်ခဲ့ပါတယ်။

ဒီ သင်တန်းမှာ မြန်မာရွှေ့ပြောင်းအလုပ်သမား အများစု လုပ်ကိုင်နေတဲ့ လုပ်ငန်းခွင်အသီးသီးမှာ သက်ဆိုင်ရာလုပ်ငန်းခွင့်အလိုက် အန္တရာယ်ကျရောက်စေ နိုင်တဲ့ လုပ်ငန်းခွင်အခြေအနေတွေ၊ အဲဒီလို အန္တရာယ်ကျရောက်စေနိုင် ရုပ်ပိုင်း၊ စိတ်ပိုင်းနဲ့ ဓါတုပစ္စည်းတွေကနေ ထိခိုက်စေနိုင်တာတွေကို ဖြေရှင်းဖို့လုပ်ဆောင်ချက်တွေအပါအ၀င် ကျန်းမာရေးစောင့်ရှောက်မှုဆိုင်ရာ ခံစားခွင့်နဲ့ လူမှုဖူလုံရေး ခံစားခွင့်တွေကို သိရှိနားလည်စေပြီး တက်ရောက်တဲ့ သင်တန်းသားတွေကိုယ်တိုင် လက်တွေ့ပူးပေါင်း ပါဝင်ဆွေးနွေးခဲ့ကြတာဖြစ်ပါတယ်။

ရောင်ခြည်ဦးအလုပ်သမားများအဖွဲ့ဟာ မဲဆောက်ဒေသတွင်းက မြန်မာရွှေ့ပြောင်းအလုပ်သမားတွေအတွက် အသိပညာပေးရေးလုပ်ငန်းစဉ်တွေမှာ စကားဝိုင်းတွေအပါအ၀င် လူ့အခွင့်အရေး၊ အလုပ်သမားအခွင့်အရေး အလုပ်သမားသမဂ္ဂပညာပေးရေးနဲ့ လိင်နဲ့ လိင်ကွဲပြားမှုအခြေပြု သင်တန်းတွေအပြင် လုပ်ငန်းခွင်ဘေးကင်းလုံခြုံရေးနဲ့ ကျန်းမာရေးစောင့်ရှောက်မှုသင်တန်းတွေကို ပြုလုပ်ပေးလျက်ရှိပါတယ်။

Friday, March 03, 2017

ပန်းရောင်ကဒ်ကိုင်ဆောင်ထားတေဲ့ ထိုင်းနိုင်ငံရောက်မြန်မာနိုင်ငံသားများဟာ ပွဲစားများကို မိမိနိုင်ငံမှ အထောက်အထားအတွက် ဘတ် ၇၀၀၀ ခန့်ပေးနေရ

ရွှေ့ပြောင်းအလုပ်သမားအခွင့်အရေးကွန်ယက်ရဲ့ ဒုတိယ ဥက္ကဌ ဦးအောင်ကျော်ကတော့ “ ဥပဒေကိုလိုက်နာတဲ့ စက်ရုံအကြီးကြီးတွေကတော့ အလုပ်သမားတွေအပေါ်မှာ အမြတ်ထုတ်ခြင်းမရှိပေမဲ့ စက်ရုံသေးသေးလေးတွေကတော့အမြတ်ထုတ်နေကြပါတယ်။ အခုဆိုရင် ပွဲစားနဲ့ စက်ရုံတာဝန်ရှိသူတို့ဟာ CI အတွက် ဘတ်ငွေ ၆၀၀၀ နဲက ၇၀၀၀ ကြားအလုပ်သမားတွေကို ကောက်ခံနေကြပါတယ်” ဟု ရွှေ့ပြောင်းအလုပ်သမားအခွင့်အရေးကွန်ယက်ရဲ့ ဒုတိယ ဥက္ကဌ ဦးအောင်ကျော်က မြန်မာတိုင်း(မ်) ကိုပြောကြားခဲ့ပါတယ်။

 “ပန်းရောင်ကဒ် နဲ့ အခြားယာယီအထောက်အထား ကိုင်ဆောင်ထားသော မြန်မာရွှေ့ပြောင်းအလုပ်သမားများဟာ CI ကိုကူးပြောင်းတော့မယ်ဆိုရင် CI ကိစ္စ အလုံးစုံအတွက် ပွဲစားတွေကို မဖြစ်မနေ အသုံးပြုနေရသည်” ဟု ထိုင်းနိုင်ငံအခြေစိုက် ရွှေ့ပြောင်းအခွင့်အရေးလှုပ်ရှားနေတဲ့အဖွဲ့ ကပြောပါတယ်။

ဦးအောင်ကျော်ကတော့ မြောက်မြားစွာသော မြန်မာ ရွှေ့ပြောင်းအလုပ်သမားများဟာ CI လျှောက်လွှာ လုပ်ထုံးလုပ်စဉ်အတွက် ပွဲစားနှင့် စက်ရုံ တာဝန်ရှိသူတွေကို ဘတ်ငွေ ၆၀၀၀ နဲ့ ၇၀၀၀ ကြားကို ဝန်ဆောင်ခအနေနှင့်ပေးဆောင်ဖို့ တွေ့ရှိနေတယ်လို့ ပြောပါတယ်။

 “မြန်မာ အလုပ်သမားများဟာ သူတို့မှာ CI ရှိပြီဆိုရင် မိမိအလိုရှိသော နေရာနှင့် နေရပ်ဌာနီကို လွတ်လပ်စွားသွားနိုင်တာကို သိရှိထားတယ်။ ဒါကြောင့် သူတို့ဟာ CI ကို အလိုရှိနေပါတယ်။ အလုပ်သမားတွေအကြောင်းကိုသိရှိထားတဲ့ ပွဲစားတွေဟာ အလုပ်သမားတွေကို စက်ရုံ တာဝန်ရှိသူတွေနဲ့ပေါင်းပြီး အမြတ်ထုတ်နေတယ်” လို့ ဦးအောင်ကျော်က ပြောပါတယ်။

မြန်မာအစိုးရဟာ ဖေဖော်ဝါရီလမှာ ထိုင်းနိုင်ငံမှာရှိတဲ့ မြန်မာရွှေ့ပြောင်းအလုပ်သမားတွေအတွက် မတ်လ ၃ ရက်နေ့မှာ CI လုပ်ဆောင်ပေးသော ဌာနတွေမှာ CI လုပ်ဖို့ ထုတ်ပြန်ခဲ့ပြီး တော့ CI အတွက်လျှောက်လွှာစ၇ိတ်ကတော့ ဘတ်ငွေ ၃၀၀ ဖြစ်ပါတယ်။

ထို့အပြင်မြန်မာအစိုးရဟာ ငွေကုန်ကြေးကျပိုမိုများပြားမှုကိုရှောင်ရှားစေခြင်းအလို့ဌာ CI အတွက် ပွဲစားများကို အသုံးမပြုဖို့ကိုလည်း အကြံပြုထားပါတယ်။

ဒါပေမဲ့ ဦးအောင်ကျော်ကတော့ CI လျှောက်လွှာရဲ့လုပ်ရိုးလုပ်စဉ်ကတော့ ရွှေ့ပြောင်းအလုပ်သမားများအတွက် ရှုပ်ထွေးလျက်ရှိနေသောကြောင့် သူတို့အနေနဲ့ပွဲစားများကို အသုံးပြုနေရတာဖြစ်တယ်ဟု ပြောပါတယ်။

မြန်မာ ရွှေ့ပြောင်းအလုပ်သမားတွေဟာ အိမ်ပြန်ချင်ချင်ရင် ပြန်နိုင်ဖို့ CI ကို လုပ်ချင်ကြတယ်။ ဒါပေမဲ့ CI ရဖို့ အလုပ်သမားတွေ့အတွက်မလွယ်ကူဘူး။ အလုပ်ရှင်ရဲ့  အချက်အလတ်တွေလိုတယ်။ ပြီးတော့ ပွဲစားတွေရဲ့ အကူအညီတွေလည်းလိုပါတယ် လို့ အထည်ချူပ်စက်ရုံမှာ အလုပ်လုပ်နေသော ရွှေပြောင်းအလုပ်သမားတစ်ဦးက မြန်မာတိုင်း(မ်) ကိုပြောပါတယ်။

ထိုင်းနိုင်ငံမှာရှိနေတဲ့မြန်မာ အလုပ်သမားတွေဟာ CI အတွက်နှစ်ဆပေးနေရတယ် ဘာကြောင့်လဲဆိုတော့ အလုပ်သမားတွေဟာ ပတ်စပို့စ်လည်းလျှောက်ရအုံးမယ်ဖြစ်သည် ဟု ရွှေ့ပြောင်းအလုပ်သမားအခွင့်အရေး လှုပ်ရှားသူများက ပြောပါတယ်။

မြန်မာအစိုးရအနေနဲ့ ပန်းရောင်ကဒ်ကိုင်ဆောင်ထားသော ရွှေ့ပြောင်းအလုပ်သမားကို CI ထပ်ပိုပြီး အသုံးဝင်သော ယာယီပတ်စပိုစ့်များကို လုပ်ဆောင်ဖို့ထုတ်ပြန်သင့်ကြောင့်လည်း သူတို့က ထပ်ပြောကြားသွားခဲ့ပါတယ်။

ထိုင်းနိုင်ငံမှာ မြန်မာရွှေ့ပြောင်းအလုပ်သမားပေါင်း လေးသန်းနီးပါးခန့်ရှိပြီး ၁.၇ သန်းဟာ မြန်မာအစိုးရလုပ်ဆောင်ပေးသော ယာယီပတ်စပိုစ့်များကို ကိုင်ဆောင်ထားပြီးတော့ အလုပ်သမားရှိ ၈သိန်းကတော့ ထိုင်းအစိုးရ လုပ်ဆောင်ပေးသော ပန်းရောင်ကဒ်များကိုင်ဆောင်ထားသည်ဟု ခန့်မှန်းခြေအရ သိရှိရပါတယ်။

ပန်းရောင်ကဒ်ဟာ ထိုင်းနိုင်ငံအတွင်းသို့တရားမဝင်ေ၇ာက်ရှိလာသော ရွှေ့ပြောင်းအလုပ်သမားများအား ကန့်သတ်ထားသောဒေသတွေမှာ နေဖို့နဲ့ အလုပ်လုပ်ရန်ထုတ်ထားပေးတာဖြစ်ပါတယ်။ သို့သော်လည်း မြို့နယ်အာဏာပိုင်တွေရဲ့ ခွင့်ပြုချက်မရှိဘူးဆိုရင် ကန့်သတ်ထားသောနယ်မြေတွေကိုကျော်လွန်ပြီး လုပ်ဆောင်မှုများကို ထိန်းချူပ်ထားပါတယ်။

Ref: Myanmar Times

Thursday, March 02, 2017

လုပ်ငန်းခွင်ဘေးကင်းလုံခြုံရေးနဲ့ ကျန်းမာရေးစောင့်ရှောက်မှုသင်တန်းပြုလုပ်

Image may contain: 1 person, sitting, table and indoor
ထိုင်း-မြန်မာ နယ်စပ် မဲဆောက်အခြေစိုက် ရောင်ခြည်ဦးအလုပ်သမားများအဖွဲ့က မြန်မာရွှေ့ပြောင်းအလုပ် သမားတွေအတွက် မယ်တောင်တိုက်နယ် ဖထောင်းရပ်ရှိ စံပယ်ဖြူနေ့ကလေးထိန်းကျောင်းမှာ လုပ်ငန်း ခွင်ဘေးကင်းလုံခြုံရေးနဲ့ ကျန်းမာရေးစောင့်ရှောက်မှုသင်တန်းကို ဖေဖေါ်ဝါရီလ ၂၅ရက်နေ့ကစတင်ကာ (၂)ရက်ကြာ ပြုလုပ်ခဲ့ပါတယ်။
 Image may contain: 1 person, standing
အဆိုပါ သင်တန်းကို မယ်တောင်တိုက်နယ်အတွင်းမှာရှိတဲ့ စက်ရုံအလုပ်သမားအများစုပါဝင်ပြီး တောင်ယာစိုက် ပျိုးရေးလုပ်သားတွေနဲ့ ဆောက်လုပ်ရေးအလုပ်သမားတွေ စုစုပေါင်း (၂၇)ယောက် တက်ရောက်ခဲ့တာ ဖြစ်ပါတယ်။

လုပ်ငန်းခွင်ဘေးကင်းလုံခြုံရေးနဲ့ ကျန်းမာရေးစောင့်ရှောက်မှုသင်တန်းပြုလုပ်ရတဲ့ ရည်ရွယ်ချက်နဲ့ပတ်သက်ပြီး သင်တန်းပရိုဂရမ်မန်နေဂျာ ကိုမျိုးက “ ကျနော်တို့ ရောင်ခြည်ဦးအလုပ်သမားများအဖွဲ့အနေနဲ့ မဲဆောက် ဒေသတွင်းမှာ အခြားအလုပ်သမားအခွင့်အရေး၊ လူအခွင့်အရေး သင်တန်းတွေပေးလာခဲ့တာကြာပါပြီ၊
အခုလည်း ဒေသတွင်းအလုပ်သမားတွေလိုအပ်ချက်အရပေါ့လေ လုပ်ငန်းခွင်ဘေးကင်းလုံခြုံရေးနဲ့ ကျန်းမာရေး စောင့်ရှောက်မှုသင်တန်းတွေကို မဲဆောက်ဒေသတွင်းမှာ ပြီးခဲ့တဲ့နှစ်က တကြိမ် အခုတကြိမ်ပါဆို (၂)ကြိမ်ရှိ ပါပြီ၊ ကျနော်တို့ ဒီသင်တန်းပြုလုပ်ရတာဟာဆိုရင် မြန်မာရွှေ့ပြောင်းအလုပ်သမားတွေအနေနဲ့ မိမိ လုပ်ကိုင် နေတဲ့ လုပ်ငန်းခွင်အတွင်းမှာ အန္တရာယ်တစုံတရာမကျရောက်စေဖို့နဲ့ ရေရှည်လာတဲ့အခါမှာ မိမိအလုပ်ကြောင့် ရောဂါဘယတွေမဖြစ်ရ မခံစားရလေအောင် လုပ်ငန်းခွင်အတွင်း ပျော်ပျော်ရွှင်ရွှင်နဲ့ အလုပ်လုပ် ကိုင်နိုင် စေဖို့ရည်ရွယ်ပြီး ဒီလုပ်ငန်းခွင်ဘေးကင်းလုံခြုံရေးနဲ့ကျန်းမာရေးစောင့်ရှောက်မှု သင်တန်းတွေကို မြန်မာ ရွှေ့ပြောင်း စက်ရုံအလုပ်သမားတွေကြား လိုက်လံပေးနေတာဖြစ်ပါတယ်။”လို့ပြောပါတယ်။

ဒီသင်တန်းမှာ လုပ်ငန်းခွင်အတွင်းမှာ အလုပ်သမားတွေအတွက် ရုပ်ပိုင်းဆိုင်ရာထိခိုက် အန္တရာယ်ကျရောက် စေနိုင်တဲ့အခြေအနေ၊ စိတ်ပိုင်းဆိုင်ရာ ထိခိုက် အန္တရာယ်ရှိစေနိုင်တဲ့ အခြေအနေတွေကို လှုပ်ရှားမှုတွေ ဥပမာပြ ဇာတ်လမ်းတွေ လုပ်ငန်းခွင်ဘေးကင်းလုံခြုံရေးနဲ့သက်ဆိုင်တဲ့ ဗွီဒီယိုကလစ်တွေကိုပြသပြီး သင်တန်း ကို ဦးဆောင်ဆွေးနွေးသူတွေက မေးခွန်တွေ တကယ့်အဖြစ်အပျက် ထိခိုက်ဒဏ်ရာရရှိမှုတွေကို ရှင်းလင်း ဆွေးနွေးခဲ့ကြတာဖြစ်ပါတယ်။ လုပ်ငန်းခွင်အလိုက် အသုံးပြုရမယ့် အကာအကွယ်ပစ္စည်းတွေ အကြောင်းနဲ့ အဲဒီလို အကာအကွယ်ပစ္စည်းတွေကို လုပ်ငန်းရှင်ထံမှာ တောင်းဆိုခွင့်ရှိပြီး အကာအကွယ် ပစ္စည်းတွေ ကိုလည်း အလုပ်သမားတွေကိုယ်တိုင် ကျန်းမာရေး အန္တရာယ်ကျရောက်စေမှုကနေ ကာကွယ်တယ်ဆိုတဲ့ အသိနဲ့ တကယ့်လက်တွေ့ဘ၀လုပ်ငန်းခွင်တွေမှာ စနစ်တကျအသုံးပြုတတ်စေဖို့ အလုပ်သမားတွေ ကိုယ်တိုင် ပါဝင်ဆွေးနွေးပြီး အသိပညာပေးခဲ့တဲ့ သင်တန်းဖြစ်ပါတယ်။

သင်တန်းရောက်သူ အထည်ချုပ်စက်ရုံအလုပ်သမတဦးကတော့ “ ကျမတို့ စက်ရုံအလုပ်ရုံတွေဟာ အလုပ် သမားဦးရေးအလိုက် အကျယ်အ၀န်း လေ၀င်လေထွက် အလင်ရောင်ကောင်းမွန်ဖို့၊ သောက်သုံးရေးသန့်ရှင်းမှု၊ အများသုံးအိမ်သာသန့်ရှင်းမှုတွေကအစ ကျန်းမာရေးအတွက်အရေးကြီးကြောင်းနဲ့ ကျမတို့ကိုယ်တိုင် သတိမထားမိတဲ့ လုပ်ငန်းခွင်ထဲမှာ နေ့စဉ် အသုံးပြုနေတဲ့ ပစ္စည်းတွေကနေ အလုပ်သမားတွေကို ကျန်းမာရေး အန္တရာယ်တဖြည်းဖြည်းကျရောက် စေနိုင်တဲ့အခြေအနေတွေကို ဘယ်လိုကြိုတင်ကာကွယ်ရမလဲဆိုတာကို သိရလို့ တကယ်တန်ဖိုးရှိတဲ့သင် တန်းပါလို့” ပြောပါတယ်။

ရောင်ခြည်ဦးအလုပ်သမားများအနေနဲ့ မဲဆောက်ဒေသတွင်းက စက်ရုံအလုပ်ရုံတွေမှာအလုပ်လုပ်ကိုင်နေတဲ့ မြန်မာရွှေ့ပြောင်းအလုပ်သမားတွေကို သင်တန်းတကြိမ်မှာ (၂၅)ဦးတက်ရောက်ခွင့်ပြုကာ လုပ်ငန်းခွင်ဘေး ကင်းလုံခြုံရေးနဲ့ ကျန်းမာရေးစောင့်ရှောက်မှု သင်တန်းတွေပေးဖို့ အစီအစဉ်တွေရှိနေသေးကြောင်း တာဝန်ရှိ သူတွေ ကပြောကြားကြောင်းပါခင်ဗျာ။

Friday, February 24, 2017

မြန်မာအမျိုးသမီး ၃ ဦး ဂျပန်အလုပ်သမားဥပဒေအရ ဖမ်းဆီးခံရ


jp
ဒုက္ခသည်အဖြစ် လျှောက်ထားသူ မြန်မာအမျိုးသမီး ၂ ဦးနဲ့ အလုပ်လက်ခံသွင်းပေးသူ အသက် ၄၈ နှစ်အရွယ် မြန်မာအမျိုးသမီးနဲ့ ဆိုင်တာဝန်ခံ ဟီရိုဆဲ့ ယူဂျီ စံ ၄၂ နှစ် စုစုပေါင်း ၄ ဦးကို တရားမ၀င် အလုပ်လုပ်မှု၊ ခိုင်းစေမှုတို့နဲ့ ဆိုင်တမ ခရိုင်အတွင်းက ထမင်းဘူးဆိုင်မှာ ဖေဖော်ဝါရီလ ၂၂ ရက်နေ့က ဂျပန်အာဏာပိုင်တွေက ဖမ်းဆီးလိုက်ပါတယ်။ အလုပ်လုပ်ခွင့် မရှိသေးချိန် ၂၀၁၅ ခုနှစ် ၁၁ လ ပိုင်းကစလို့ အခုလအထိ အဆိုပါ ဆိုင်မှာ အလုပ်လုပ်ကိုင်စေခဲ့တာဖြစ်ပြီး ဂျပန်လ၀ကဥပဒေကို ချိုးဖောက်ခဲ့တယ်လို့ သက်ဆိုင်ရာ အာဏာပိုင်တွေက ဆိုပါတယ်။
အခုနှစ်ပိုင်းအတွင်း မြန်မာနိုင်ငံမှ အလုပ်သင်ဗီဇာနဲ့ အများအပြား ဂျပန်နိုင်ငံသို့ ၀င်ရောက်ခဲ့ ကြပြီး လစာနည်းပြီး အလုပ်ရှင်မှ လူ့အခွင့်အရေးချိုးဖောက်တာတွေကြာင့် ဒုက္ခသည်အဖြစ် လျှောက်ထားသူ ထောင်ချီရှိနေတယ်လို့ သိရှိရပါတယ်။ ဂျပန်လ၀က ဥပဒေအရ ဒုက္ခသည်အဖြစ် စတင်လျှောက်ထားချိန်မှ ၆ လအတွင်း အလုပ်လုပ်ကိုင်ခွင့် မရှိပါဘူး။
ဖေဖော်ဝါရီလ ၁၀ ရက်နေ့ ကလည်း အသက် ၂၃ နှစ်အရွယ် မြန်မာအမျိုးသမီး ၂ ဦးနဲ့ အမျိုးသား ၃ ဦးကို လဝကဥပဒေ ချိုးဖောက်တဲ့ သံသယရှိမှုနဲ့ ဖမ်းဆီးခဲ့ပါသေးတယ်။ မြန်မာနိုင်ငံသား ရာနဲ့ချီပြီး တိုကျိုလ၀က ထိန်းသိမ်းရေးစခန်းမှာ ဖမ်းဆီးထိန်းသိမ်းခံနေရပါတယ်။
Credit: DVB

Tuesday, February 14, 2017

ဘတ်ဂျက် ခွဲတန်း အသုံးချမှု

ဘတ်ဂျက်မှုဝါဒဟာ တိုင်းပြည်တစ်ပြည်အတွက် အရမ်းကိုအရေးကြီးပါတယ်။ အစိုးရဟာ အခန်းဏ္ဍအားလုံးကို မှန်မှန်ကန်ကန်အသုံးချနိုင်ဖို့ အသုံးစာရင်းမှုဝါဒကို သေသေချာချာဖန်တီးဖို့လိုပါတယ်။

ဒါပေမဲ့ဘတ်ဂျက်ခွဲတမ်းချမှုဟာမြန်မာနိုင်ငံလို လိုတာထက်ပိုလျော့နေတဲ့နိုင်ငံအတွက်တော့ခေါင်းကိုက်စရာတစ်ခုဖြစ်ပါတယ်။ မြန်မာနိုင်ငံရဲ့ဒီမိုကရေစီအသွင်ပြောင်းလည်းလာတဲ့၂၀၁၀ ခုနှစ်မှစပြီး လူတော်တော်များများဟာ ဘက်ဂျက်ခွဲတမ်းချမှုအပေါ်မှာ စိတ်ဝင်စားမှုစတင်လာခဲ့ပါတယ်။

ပြည်သူတွေကလည်း အသုံးစာရင်းနဲ့ ငွေတွေဘယ်လိုသုံးနေလဲဆိုတာကို ဝေဖန်တတ်နေပါသည်။ အရင်တုန်းကဆို ကာကွယ်ရေးစစ်အသုံးစရိတ်နဲ့ ပညာရေး၊စီးပွားရေးတို့အပေါ်မှာ ဘတ်ဂျက်ခွဲတမ်းချမှုက တော်တော်ကြီးကြီးမားမားကွဲပြားမှုရှိပါတယ်။

လွှတ်တော်က ဘတ်ဂျက်ကဏ္ဍကိုမေးခွန်းထုတ်တဲ့အချိန်မှာတော့ မှုဝါဒတွေဟာ တချိူ့ဌာနေတွေမှာ ပြောင်းလဲမှုတစ်စုံတစ်ရာရှိခဲ့ပါတယ်။ လူအများကတော့ အစိုးရဲ့ ဌာနတစ်ခုချင်းစီမှာသုံးတဲ့ နှစ်စဉ်အသုံးစာရင်း ဟာ ဘဝင်ကျစရာဖြစ်လာမှာမဟုတ်ကြောင်းနဲ့ ပြောင်းလဲမှုကြီးကြီးမားမားတော့ ဖြစ်လာလိမ့်မယ်လို့ ယုံကြည်ကြတယ်။

ဇန်နဝါရီလပုံမှန်လွှတ်တော်အစည်းအဝေးမှာတော့ ကာကွယ်ရေးနဲ့ ပညာရေးဝန်ကြီးဌာနတို့ဟာ ၂၀၁၇-၂၀၁၈ အတွက် သူတို့ရဲ့ ဘတ်ဂျက်တွေကို ရှင်းလင်းတင်ပြခဲ့ပါသည်။ ကာကွယ်ရေးဝန်ကြီးဌာနဟာ ယမန်နှစ်က အသုံးစရိတ်ထက်တော့ နည်းတဲ့ မြန်မာကျပ်ငွေသန်းပေါင်း နှစ်ထောင့်ကိုးရာ ကို တောင်းဆိုခဲ့ပါတယ်။ ပညာရေးဝန်ကြီးဌာနကတော့ ပြီးခဲ့တဲ့နှစ်ကထက် ပိုပြီးတောင်းဆိုထားပါတယ်။

ကာကွယ်ရေးဝန်ကြီးဌာနဟာ ကျပ်ငွေ ၇၃ သန်းရရှိဖို့မျှော်လင့်ပြီး အသုံးစရိတ်ကိုတော့ ကျပ်ငွေသန်းပေါင်း နှစ်ထောင့်ကိုးရာ သုံးစွဲဖို့ မျှော်လင့်ထားပါတယ်။ အများအသုံးစရိတ်ကုန်ကျမှုအတွက် ကျပ်ငွေသန်းပေါင်း ၁၆၅၄ သန်း၊ လစာအတွက် ကျပ်ငွေ သန်းပေါင်း ၇၄၄ သန်း၊ သန်းပေါင်း ၄၃၂ သန်းအား စက်လက်နက်အသုံးစရိတ်၊ ကျပ်ငွေသန်းပေါင်း ၁၆ သန်းအား လမ်းစရိတ်၊ ကျပ်ငွေသန်းပေါင်း ၈၀ အား အင်ဂျင်နီယာပစ္စည်းအသုံးစရိတ်၊ ကျပ်ငွေသန်းပေါင်း ၁၇၈ သန်းအား အထွေထွေအသုံးစရိတ်၊ ကျပ်ငွေသန်းပေါင်း ၄.၂ သန်းအား စစ်ဆင်ရေး၊ ကျပ်ငွေသန်းပေါင်း ၁၉၄ သန်းအား စစ်စက်ရုံများအသုံးစရိတ် နဲ့ ကျပ်ငွေသန်းပေါင်း ၄.၆ သန်းအား စစ်အကြွေးပေးမှု အသုံးစရိတ်ဟု ဒုတိယအဆင့်ကာကွယ်ရေးဝန်ကြီးချူပ်မြင့်ဆွေကပြောပါတယ်။
ပညာရေးဝန်ကြီးဌာနဟာ ကျပ်ငွေသန်းပေါင်း တစ်ထောင်ကျော်အား ၂၀၁၇-၂၀၁၈ အတွက် အဆိုတင်သွင်းထားပြီးတော့ ဝင်ငွေအနေနဲ့ ကျပ်ငွေသန်း ၂၄၀ ကို နိုင်ငံခြား ကူညီထောက်ပံ့မှု၊ သန်း ၄၂၀ ကို ပြည်ပ အကြွေးချေးငွေကနေဝင်မယ်လို့ ပညာရေး ဝန်ကြီးဌာနကပြောဆိုထားပါတယ်. ကျန်းမာရေးနဲ့ ပညာရေး အခန်းကဏ္ဍတွေမှာ ဘတ်ဂျက်ပိုမိုသုံးစွဲဖို့အရမ်းအရေးကြီးပါတယ်။ ဒါဆိုရင် ဘတ်ဂျက်ပိုမိုသုံးစွဲမှုဟာ ပြည်သူများအတွက် ရေတိုရော ရေရှည်မှာပါ အသုံးဝင်မှာပါ။ Eleven သတင်းဌာနအနေဖြင့် လေးစားဖွယ်ကောင်းသော အာဏာပိုင်များအား မြန်မာနိုင်ငံအနေနဲ့ ငွေတွေကို အကတိအကြောင်းကိစ္စရပ်တွေမှာ ငွေဖြုန်းတီးမှုမတတ်နိုင်တဲ့အတွက် ဘတ်ဂျက်အသုံးစရိတ်ကိုပိုမိုပြီးအလေးထားဆောင်ရွက်စေကြောင်းရေးသားတင်ပြလိုက်ပါသည်။
Credit: Eleven Media Group English version

လူအခွင့်အရေး၊အလုပ်သမားအခွင့်အရေး၊ အလုပ်သမားသမဂ္ဂပညာရေး၊ လိင်နဲ့လိင်ကွဲပြားမှု အခြေပြုသင်တန်းပြုလုပ်

Image may contain: 2 people, people sitting
ရောင်ခြည်ဦးအလုပ်သမားများအဖွဲ့က ဦးဆောင်ပြီး လူ့အခွင့်အရေး အလုပ်သမားအခွင့်အရေး၊ အလုပ်သမားသမဂ္ဂပညာရေး၊ လိင်နဲ့လိင်ကွဲပြားမှုအခြေပြုသင်တန်းတရပ်ကို ထိုင်း-မြန်မာနယ်စပ် မဲဆောက်မြို့ တနေရာမှာ ဖေဖော်ဝါရီလ ၁၁ ရက်နေ့ကစတင်ပြီး သုံးရက်ကြာပြုလုပ်ခဲ့ပါတယ်။ ဒီသင်တန်းကို တောင်ယာ အလုပ်သမား ဆောက်လုပ်ရေးအလုပ်သမား စက်ရုံအလုပ်သမားတွေ အပါအ၀င် စုစုပေါင်း ရွှေ့ပြောင်းမြန်မာအလုပ်သမား (၁၃)ဦးတက်ရောက်ခဲ့ပြီး သင်တန်းဆရာ (၄)ဦးက ဦးဆောင်ဆွေးနွေး သင်တန်းပေးခဲ့တာဖြစ်ပါတယ်။ 
Image may contain: 4 people, people sitting and indoor
သင်တန်းပြုလုပ်ပေးရတာနဲ့ပတ်သက်လို့ “မြန်မာအလုပ်သမားတွေ အများစု ရှိတဲ့ မဲဆောက်လိုနေရာမျိုးမှာတောင် အခွင့်အရေး ချိုးဖေါက်ခံနေရတာဟာ စည်းလုံးညီညွှတ်မှု မရှိလို့ပဲ၊ ဒါကြောင့် ဒီနှစ်ထဲမှာ အလုပ်သမားတွေကို စုစည်းညီညွှတ်ပြီး အခွင့်အရေးတွေကို တောင်းဆိုတတ်လာအောင် ရည်ရွယ်ပြီး သမဂ္ဂပညာရေးကို ထည့်သွင်း သင်တန်းပို့ချရတာဖြစ်တယ် ကျန်တဲ့အခွင့်အရေးတွေဖြစ်တဲ့ လူ့အခွင့်အရေး၊ အလုပ်သမားအခွင့်အရေး၊ လိင်နဲ့ လိင်ကွဲပြားမှုအခြေပြုတာတွေကိုတော့ ပြီးခဲ့တဲ့ နှစ်အတိုင်း ပြောင်းလဲခြင်း မရှိသေးပါဘူး၊ ဘာဖြစ်လို့လဲဆိုတော့ ပုံစံအမျိုးမျိုးနဲ့ လုပ်ငန်းရှင်တွေက ချိုးဖေါက်မှုတွေကို ကျူးလွန်နေဆဲ ဖြစ်တာကြောင့် သင်တန်း ပို့ချရခြင်းဖြစ်ပါတယ်” လို့ သင်တန်းဖြစ်မြောက်ရေး ဦးဆောင်သူတွေက ပြောပါတယ်။
Image may contain: one or more people and people sitting
သင်တန်း ပထမရက်မှာ လူ့အခွင့်အရေးနဲ့ပတ်သက်တဲ့ မွေးရာပါလူ့အခွင့်အရေး၊ လူ့အခွင့်အရေး ကြေညာစာတမ်းပါ လူ့အခွင့်အရေးအပိုဒ်၃၀စလုံးကို သင်တန်းဆရာ ကိုမျိုးကိုက ဦးဆောင် ပို့ချပေးခဲ့တာဖြစ်ပါတယ်။
Image may contain: 4 people, people sitting
သင်တန်း ဒုတိယရက် မနက်ပိုင်းမှာတော့ လိင်နဲ့ လိင်ကွဲပြားမှုအခြေပြုအသိပညာရပ်တွေကို သင်တန်းဆရာမ ဒေါ်သူဇာကြိုင်က ဦးဆောင်ပို့ချ ဆွေးနွေးခဲ့တာဖြစ်ပါတယ်။ သင်တန်း ဒုတိယရက် နေ့လည်ပိုင်းမှာတော့ အလုပ်သမားအခွင့်အရေးဆိုင်ရာတွေကို သင်တန်းဆရာ ကိုဟိန်းမှ ဦးဆောင်ပို့ချ ဆွေးနွေးခဲ့ပါတယ်။
Image may contain: 5 people, people smiling, people standing, shoes, child and outdoor
သင်တန်း တတိယရက်မှာတော့ အလုပ်သမားသမဂ္ဂပညာရေး အသိပညာရပ်တွေကို သင်တန်းဆရာ ကိုမျိုးမှ ဦးဆောင်ပို့ချဆွေးနွေးခဲ့ပါတယ်။
Image may contain: 4 people, people smiling, people standing, shoes and outdoor
အခုသင်ကြားပို့ချပေးနေတဲ့ အသိပညာရပ်တွေဟာ မြန်မာရွှေ့ပြောင်းအလုပ်သမားများအတွက် လက်တွေ့ရင်ဆိုင်နေရတဲ့ ချိုးဖေါက်ခံရမှုတွေဖြစ်တယ်လို့ သင်တန်းတက်ရောက်တဲ့ သင်တန်းသူတဦးက ပြောပါတယ်။

ရောင်ခြည်ဦးအလုပ်သမားများအဖွဲ့ကို ၁၉၉၉ ခုနှစ်မှ စတင်တည်ထောင်ကာ ရွှေ့ပြောင်းအလုပ်သမားများအတွက် ကူညီလုပ်ဆောင်ပေးနေတဲ့ အဖွဲ့အစည်းတခုဖြစ်တယ်လို့ သိရပြီး၊ ထိုင်းနိုင်ငံ မဲဆောက်ဒေသတွင်းမှာ ထိုင်းလုပ်ငန်းရှင်ကို ပထမဦးဆုံး တရားစွဲဆို အနိုင်ရရှိခဲ့တဲ့ အဖွဲ့အစည်းတခုဖြစ်တယ်လို့ လည်းသိရပါတယ်။

ဒုတိယအကြိမ်မြောက် ရိုးရာထမနဲထိုးပွဲ ပြည်ထောင်စုနေ့တွင် ပြုလုပ်

Image may contain: 6 people, people sitting
ရောင်ခြည်ဦးအလုပ်သမားများအဖွဲ့မှ ဦးဆောင်ကာ ဒေသတွင်းရှိ ရွှေ့ပြောင်းမြန်မာအလုပ်သမားများ စုပေါင်းပြီးဖေဖေါ်ဝါရီလ (၁၂)ရက်နေ့ ညနေပိုင်းက ပြည်ထောင်စုနေ့အထိမ်းအမှတ် ရိုးရာ ထမနှဲထိုးပွဲကို ထိုင်း-မြန်မာနယ်စပ် မဲဆောက်မြို့ မယ်တောင်တိုက်ကျေးရွာ ဖာထောင်းရပ်ကွက် စံပယ်ဖြူနေ့ကလေးထိန်း ကျောင်းတွင် ပြုလုပ်ခဲ့ပါတယ်။ အဆိုပါ ရိုးရာ ထမနဲထိုးပွဲကို တောရကျောင်းမှ သံဃာတော် (၃)ပါးပင့်ဆောင်ကာ အန္တရာယ်ကင်း ပရိတ်ရွတ်ဖတ်ကာ ထမနဲထိုး ခဲ့ကြတာဖြစ်ပါတယ်။ 
 Image may contain: one or more people, people sitting, table, living room and indoor
ဒေသတွင်းရှိ တောင်ယာအလုပ်သမားများ၊ ဆောက်လုပ်ရေး အလုပ်သမားများ၊ အထည်ချုပ်စက်ရုံ၊ ဖိနပ်စက်ရုံတို့မှ မြန်မာရွှေ့ပြောင်းအလုပ်သမားများနှင့်အတူ ဒေသခံထိုင်းနိုင်ငံသားများလည်း ပူးပေါင်းပါဝင်ခဲ့ပါတယ်။ ရိုးရာထမနဲထိုးပွဲကို ထိုင်းလူမျိုးတွေအပါအ၀င် မြန်မာရွှေ့ပြောင်းအလုပ်သမား စုစုပေါင်း (၁၀၀)နီးပါး လာရောက်ခဲ့ပါတယ်။
 Image may contain: 1 person, standing, fire and outdoor
“မြန်မာရွှေ့ပြောင်းအလုပ်သမားများအနေနဲ့ ပြည်ထောင်စုနေ့ကို အမှတ်ရစေဖို့နဲ့ ကိုယ့်ရိုးရာ ထမနဲထိုးပွဲမှာ အလုပ်သမားတွေအချင်းချင်း စုစုစည်းစည်းနဲ့ ပူးပေါင်းပါဝင်လာကာ နောင်မျိုးဆက်တွေအနေနဲ့လည်း ကိုယ့်နိုင်ငံက အရေးကြီးတဲ့ နေ့ထူးနေ့မြတ်နဲ့ ကိုယ့်ရိုးရာဓလေ့တွေကို မမေ့ပြောက်သွားအောင် ရည်ရွယ်ချက်နဲ့ ပြည်ထောင်စုနေ့ အထိမ်းအမှတ် ရိုးရာထမနဲထိုးပွဲကို ပူးတွဲလုပ်ဆောင်ပေးရခြင်းဖြစ်ပါတယ်” လို့ ရောင်ခြည်ဦးအလုပ်သမားများအဖွဲ့က စည်းရုံးရေးတာဝန်ခံ ဦးကိုဟိန်းကပြောပါတယ်။

ပြည်ထောင်စုနေ့အထိမ်းအမှတ် ရိုးရာထမနဲထိုးပွဲကို ရောင်ခြည်းဦးအလုပ်သမားများအဖွဲ့က ဦးဆောင်ပြီး ဒေသတွင်းရှိ မြန်မာရွှေ့ပြောင်းအလုပ်သမားများရဲ့ စုပေါင်းထည့်ဝင်တဲ့ အလှူငွေနဲ့ ထမနဲ (၅)အိုးစာ အတွက် ကောက်ညှင်း ပြည် (၂၀) ထိုးခဲ့တာဖြစ်ပါတယ်။ ရရှိလာတဲ့ ထမနဲကို ဖာထောင်းရပ်ကွက်တွင်းနေထိုင်သည့် မည်သူ့ကိုမဆို လူမျိုးဘာသာ မခွဲခြားပဲ လိုက်လံပို့ဆောင်ပေးလှူခဲ့ပါတယ်။