ပိုစန်း ရေပိုက်လုံးစက်ရုံ အလုပ်သမားများ လစာတိုးမြှင့်ရေး ဆန္ဒပြ

ရန်ကုန်တိုင်း လှိုင်သာယာမြို့နယ် စက်မှုဇုန်(၂)၊ ဦးချိန်လမ်းမှာရှိတဲ့ ပိုစန်း(PO-Seng) ရေပိုက်လုံးစက်ရုံက အလုပ်သမား ခေါင်းဆောင်တွေဟာ စက်ရုံတာဝန်ရှိသူတွေနဲ့ လှိုင်သာယာမြို့နယ် အထွေထွေအုပ်ချုပ်ရေးမှူးရုံးမှာ လုပ်ခလစာကို တိုးမြှင့်သက်မှတ်ပေးဖို့ မနေ့က ညှိနှိုင်းခဲ့ပေမယ့် ပြေလည်မှုမရရှိခဲ့တာကြောင့် ဒီကနေ့မှာ အလုပ်သမား ၁၀၀ လောက် စက်ရုံရှေ့မှာ တောင်းဆိုဆန္ဒပြခဲ့ကြပါတယ်။
အဲဒီစက်ရုံမှာ လုပ်သက် ၁ နှစ်နဲ့အထက် အလုပ်သမားတွေကို အခြေခံလစာ နှစ်သောင်းကျော်ပေးပြီး၊ လုပ်သက် ၇ နှစ်အထက် အလုပ်သမားတွေကိုတော့ လေးသောင်းကျော်လောက် ပဲ ပေးတဲ့အတွက် ဆန္ဒပြတောင်းဆိုရတာဖြစ်တယ်လို့ ဆန္ဒပြအလုပ်သမားခေါင်းဆောင် ကိုဇေဇေအောင်က RFA ကို ပြောပါတယ်။

အလုပ်သမားတွေဖက်က အခြေခံလုပ်ခလစာကို ပျမ်းမျှတစ်လကို ကျပ်ကိုးသောင်းအထိ တိုးမြှင့်ပေးဖို့ တောင်းဆိုနေကြတာလို့ သိရပါတယ်။
၂၀၀၇ ခုနှစ်ကလည်း အဲဒီစက်ရုံမှာ အခြေခံလုပ်ခလစာနဲ့ ပတ်သက်ပြီး အလုပ်သမားတွေရဲ့ တောင်းဆိုချက်ကို အလုပ်သမားညွှန်ကြားရေးမှူး ဦးယုလွင်အောင်က ညှိနှိုင်းပေးခဲ့တာကြောင်း အလုပ်သမားလစာကိစ္စ ပြေလည်မှုရရှိခဲ့တယ်လို့ သိရပါတယ်။
မြန်မာနိုင်ငံက စက်မှုဇုန်တွေမှာ အလုပ်သမားဆန္ဒပြပွဲတွေ နေ့စဉ်ရက်ဆက်ဆိုသလို တိုးပွားလာတာနဲ့ ပတ်သက်လို့ RFA သတင်းထောက် ကိုကျော်သူရဲ့ တင်ပြချက်ကို နားဆင်နိုင်ကြပါတယ်။

Credit - RFA BURMESE

ဆက်ဖတ်ရန်

လုပ်ခလစာ တိုးမြှင့်ရေး ဆက်လက်ဆန္ဒပြ

ရန်ကုန်တိုင်း၊ လှိုင်သာယာမြို့နယ်၊ လှိုင်သာယာစက်မှုဇုန် ၄ မှာ ရှိတဲ့ ဝမ်ဟောင်ဟန်း အထည်ချုပ်စက်ရုံက အလုပ်သမား ၆၀၀ ကျော်ဟာ လုပ်ခလစာ တိုးပေးဖို့အတွက် ၅ ရက်မြောက်နေ့အဖြစ် ဒီကနေ့မှာ ဆက်လက်ဆန္ဒပြတောင်းဆိုနေပါတယ်။
အလုပ်ရှင်ဘက်က လုပ်ခလစာကို အနည်းငယ်တိုးပေးခဲ့ပေမယ့် အလုပ်သမားတွေက သူတို့တောင်းဆိုချက်အားလုံး အလုပ်ရှင်ဖက်က လက်ခံလာအောင်အထိ ကြိုးစားသွားမယ်လို့ စက်ရုံအလုပ်သမ မခင်သန္တာဦးက RFA ကို ပြောပြပါတယ်။
"ပထမက နေ့စားခပေးထားတာ ၇၂၀ အဲ့ဒါညီမတို့ နောက်ထပ် ၄၀၀ တိုးတောင်းထားတယ်ပေါ့နော်၊ ထောက်ပံ့ကြေး ပထမပေးထားတာ ၁၂၀၀ဝ၊ နောက်ထပ် ၈၀၀၀ တိုးတောင်းထားတယ် ညီမတို့ ပထမဝမ်တိန်ထိုးရတယ်၊ ၁၀ နှစ်ထိမှတ်ထားတာ၊ အလုပ်ခွင်မှာ ရေသွန်မိတာလည်း ဝမ်တိန်ထိုးရတယ်၊ မုန့်ခိုးလာတာဆိုလည်း ဝမ်တိန်ထိုးရတယ်၊ မှန်ကြည့်နေရင်လည်း ဝမ်တိန်ထိုးရတယ်၊ အဲ့ဒါဝမ်တိန် ၃ ခါပြည့်သွားပြီဆိုရင် သူတို့ကဖြုတ်လိုက်တယ်"
အလုပ်သမားတွေ တောင်းဆိုထားတဲ့အချက်တွေထဲက နေ့စဉ်လုပ်ခ ၄၀၀ တိုးတောင်းတာကို ၂၀၀ တိုးပေးပြီး၊ ထောက်ပံ့ကြေး ၈၀၀၀ တောင်းတာကို ၅၀၀၀ တိုးပေးမယ်လို့ အလုပ်ရှင်ဘက်က ပြန်လည်ပြောထားပေမယ့် တောင်းဆိုချက်အားလုံး အပြည့်အဝရတဲ့အထိ တောင်းဆိုသွားမယ်လို့ အလုပ်သမားတွေက ဆိုပါတယ်။
ဒါ့အပြင် ဆေးခွင့်ယူတဲ့အခါမှာ နေ့စဉ်လုပ်အားခထဲက မဖြတ်တောက်ဖို့၊ လုပ်ငန်းခွင် စည်းကမ်းချက်တွေကိုလည်း အလုပ်ရှင်သဘောအတိုင်း ထုတ်ပြန်တာမျိုးမဟုတ်ပဲ အလုပ်သမားတွေနဲ့ ညှိနှိုင်းဆောင်ရွက်ပေးဖို့၊ အလုပ်သမားတွေရဲ့ အခြေခံအလုပ်သမားသမဂ္ဂကို အလုပ်ရှင်ဖက်က ရှောရှောရှူရှူလက်ခံပေးဖို့ စတဲ့အချက်တွေကို တောင်းဆိုနေကြတာလို့ ဆိုပါတယ်။
အခုလ ၁၆ ရက်နေ့က စတင်ဆန္ဒပြတောင်းဆိုရာမှာ ဝမ်ဟောင်ဟန်းစက်ရုံအလုပ်သမား ၁၁၀၀ ကျော် ပါဝင်ခဲ့ပေမယ့် ဒီကနေ့မှာတော့ အလုပ်သမား ၆၀၀ သာ ကျန်တော့တယ်လို့ သိရပါတယ်။

Credit - RFA Burmese

ဆက်ဖတ်ရန်

၈၈ မျိုးဆက်ငြိမ်းချမ်းရေးနှင့်ပွင့်လင်းလူအဖွဲ့အစည်းမှ ရောင်ခြည်ဦးအလုပ်သမားအဖွဲ့သို့ လာရောက်လည်ပတ်

၈၈ မျိုးဆက်ငြိမ်းချမ်းရေးနှင့် ပွင့်လင်း လူ့အဖွဲ့အစည်မှ မနီလာသိန်း၊ မမီးမီး၊ မမာယာ၊ မသရဖီ တို့မှ ရောင်ခြည်ဦး အလုပ်သမားများအဖွဲ့ သို့ လာရောက်လည်ပတ်လေ့လာခဲ့ကြပြီး ရောင်ခြည်ဦး အလုပ်သမားများအဖွဲ့မှ ဖွင့်လှစ်ထားသော ဆေးခန်းနှင့် နေ့ကလေးထိန်းကျောင်းတို့အား သွားရောက်၍ ရွှေ့ပြောင်းမြန်မာအလုပ်သမားများနှင့် တွေ့ဆုံ အားပေးစကား ပြောခဲ့ကြသည်။

ဆက်ဖတ်ရန်

လှိုင်သာယာက ကိုးရီးယား အထည်ချုပ်စက်ရုံမှာ ဆန္ဒပြ

ရန်ကုန်တိုင်း၊ လှိုင်သာယာ စက်မှုဇုန်မှာရှိတဲ့ ကိုရီးယားနိုင်ငံသားပိုင် ရက်စ် (YES) အထည်ချုပ်စက်ရုံမှာ အလုပ်သမား တစ်ထောင်ကျော်ေ လာက်ဟာ လုပ်ခလစာ တိုးမြှင့်ရရှိဖို့ ဒီကနေ့ ဆန္ဒပြတောင်းဆို ခဲ့ကြပါတယ်။
နေ့တွက်ကြေး ကျပ်နှစ်ရာတိုးပေးဖို့၊ ရှားပါးစရိတ်ပေးဖို့၊ နှစ်စဉ် အပို ဆုကြေးတွေ မျှမျှတတပေးဖို့စတဲ့ အချက် ၃ ချက်ကို မနေ့နေ့ လည်ကတည်းက စတင်တောင်းဆိုခဲ့ကြတာလို့ ဆန္ဒပြနေတဲ့ အလုပ်သမတစ်ဦးက ပြောပါတယ်။
“၉၇ ခုနှစ်ကတည်းက ၉၅ ကျပ်ကစတာ၊ အခုချိန်အထိဆို ၁၁၉ဝ ပဲရသေးတယ်၊ အစစအရာရာအကုန်လုံး ကုန်ဈေးနှုန်းတွေက အစကြီးနေလို့ အဆောင်လစာနဲ့ဘာနဲ့ အကုန်လုံးကမလောက်ဘူး၊ စားဝတ်နေရေးနဲ့ အဆောင်လစာနဲ့တော့ မီအောင်လိုက်တောင်းရတာပေါ့”
စက်ရုံရှေ့မှာ ခွင့်ပြုချက်အမိန့်မရပဲ ဆန္ဒပြတောင်းဆိုနေတဲ့အပေါ် ဥပဒေအရ အရေးယူနိုင်တယ်လို့ အာဏာပိုင်တွေဘက်က ခြိမ်းခြောက်တာကိုလည်းခံရတယ်လို့ အလုပ်သမားတွေက ပြောပါတယ်။
ဒီစက်ရုံက အလုပ်သမားတွေကို ၈၈မျိုးဆက်ပွင့်လင်းလူ့အဖွဲ့အစည်းက စက်ရုံတာဝန်ရှိသူတွေနဲ့ လာရောက်ဆွေးနွေးညှိနှိုင်းပေးပေမယ့်   ဒီကနေ့နေ့လည်ပိုင်းအချိန်ထိ ပြေလည်မှုမရသေးဘူးလို့ သိရပါတယ်။

Credit - RFA BURMESE

ဆက်ဖတ်ရန်

အလုပ်သမားခေါင်းဆောင် နှစ်ဦး ဖမ်းဆီးခံရ

ရန်ကုန်တိုင်း ရွှေပြည်သာမြို့နယ် တော်ဝင်စက်ရုံက အလုပ်သမား သပိတ်ခေါင်းဆောင် ကိုနေလင်းဦးနဲ့ မအိဇာဖြူတို့ကို အာဏာပိုင်တွေက အင်္ဂါနေ့ မနေ့ညက ဖမ်းဆီးထိန်းသိမ်းလိုက်တယ်လို့ သိရပါတယ်။
အလုပ်သမားတွေ ဆန္ဒပြတာကို အလုပ်သမားပဋိပက္ခ ဖြေရှင်းရေးခုံရုံးမှာ အနိုင်ရပေမယ့်ပိုင်ရှင်က တရားလွှတ်တော်ချုပ်ကို စာချွန်တင်တယ်ဆိုပြီး အချိန်ဆွဲခဲ့တဲ့အတွက် ပြဿနာမပြေလည်သေးဘူးလို့ ဆိုပါတယ်။
စက်ရုံထဲမှာ အလုပ်သမားတွေ အရိုက်ခံရတဲ့ကိစ္စကို အမှုဖွင့်ထားတာနဲ့ ပတ်သက်ပြီး တစုံတရာထူးခြားမှုမရှိပဲ အဲဒီကိစ္စကို မန်နေဂျာနဲ့ ဆွေးနွေးရမယ်ဆိုတဲ့အတွက် စက်ရုံထဲဝင်သွားတဲ့ အဲဒီ အလုပ်သမားခေါင်းဆောင်တွေကို ပိုင်နက်ကျူးလွန်မှုနဲ့ ဖမ်းလိုက်တာလို့ သိရပါတယ်။
သူတို့ကို လှော်ကားရဲစခန်းမှာ ချုပ်ထားပြီး၊ ဒီနေ့ဗုဒ္ဒဟူးနေ့ မနက်မှာ မိသားစုဝင်တွေက သွားရောက်တွေ့စုံဖို့ စီစဉ်နေပါတယ်။

Credit - RFA BURMESE

ဆက်ဖတ်ရန်