Monday, March 09, 2015

ရောင်ခြည်ဦးအလုပ်သမားများအဖွဲ့မှ မယ်တောင်တိုက်ကျေးရွာတွင် တောင်ယာစကားဝိုင်း ပြုလုပ်


မဲဆောက်
မတ်လ ၉ ရက် ၂၀၁၅ ခုနှစ်

ထိုင်းနိုင်ငံ တာ့ခ်ခရိုင် မဲဆောက်မြို့ မယ်တောင်တိုက်ကျေးရွာတွင် ရောင်ခြည်ဦးအလုပ်သမားများအဖွဲ့မှ ဖွင့်လှစ်ထားသော စံပယ်ဖြူနေ့ကလေးထိန်းကျောင်းတွင် မတ်လ ၈ ရက် ၂၀၁၅ ခုနှစ်က တောင်ယာစကားဝိုင်းတခုကို ပြုလုပ်ခဲ့ကြသည်။

အဆိုပါစကားဝိုင်း၌ ထိုင်းနိုင်ငံ ငြိမ်းချမ်းရေးကောင်စီမှ ရွှေ့ပြောင်းအလုပ်သမားများအတွက် အလုပ်လုပ်ခွင့်လက်မှတ်(ပန်းရောင်ကဒ်) အကြောင်းနှင့် အိမ်အတွင်းအကြမ်းဖက်ခံရမှု အကြောင်းအရာများကို ဆွေးနွေးခဲ့ကြသည်။

ရောင်ခြည်ဦးအလုပ်သမားများအဖွဲ့သည် စံပယ်ဖြူနေ့ကလေးထိန်းကျောင်းကို ၂၀၀၉ ခုနှစ်တွင် စတင်ဖွင့်လှစ်ခဲ့ခြင်းဖြစ်သည်။

အဆိုပါစကားဝိုင်းသို့ တက်ရောက်သူ တောင်ယာအလုပ်သမား ၁၃ ဦး တက်ရောက်ခဲ့ကြသည်။
YCOWA

Sunday, March 08, 2015

နိုင်ငံတကာအမျိုးသမီးများနေ့ မဲဆောက်မြို့တွင် ပြုလုပ်


မဲဆောက်
မတ်လ ၈ ရက် ၂၀၁၅ ခုနှစ်

ထိုင်းနိုင်ငံ တာ့ခ်ခရိုင် မဲဆောက်မြို့တွင် နိုင်ငံတကာအမျိုးသမီးများနေ့ကို မတ်လ ၈ ရက် ၂၀၁၅ ခုနှစ်က ရွှေ့ပြောင်းအလုပ်သမား အခွင့်အရေး ကာကွယ်မြှင့်တင်ရေးအဖွဲ့ (MRPWG) မှ ဦးဆောင်ကာ ပြုလုပ်ခဲ့ကြသည်။

မတ်လ ၈ ရက်နေ့တွင် ကျရောက်သော နိုင်ငံတကာအမျိုးသမီးများနေ့တွင် မဲဆောက်မြို့ ရဲစခန်းမှ မြူနီစပယ်ရုံးအထိ လမ်းလျှောက်ချီတက်ခဲ့ရာတွင် ရောင်ခြည်ဦးအလုပ်သမားများအဖွဲ့မှ ပူးပေါင်းပါဝင်ခဲ့သည်။

၎င်းအခမ်းအနားတွင် မြန်မာရွှေ့ပြောင်းအမျိုးသမီးများအတွက် ရည်ရွယ်၍ နယ်စပ်ရဲစခန်းများတွင် အမျိုးသမီး အမှုစစ်အရာရှိများ ထားရှိပေးရန်၊ တာ့ခ်ခရိုင် ဆေးရုံများတွင် အမျိုးသမီး စကားပြန်များ ထားရှိပေးရန်၊ အချုပ်ခန်း အင်္ဂါရပ်များနှင့် ပြည့်စုံသော အမျိုးသမီးအချုပ်ခန်းများ ထားရှိပေးရန်၊ နယ်စပ်ဒေသများတွင် အမျိုးသမီးနှင့် ကလေးသူငယ်များကို ကာကွယ်ပေးရန်အတွက် ဂေဟာများထားရှိပေးရန် စသည့်အချက်များပါဝင်သည့် ကြေညာချက်တစောင်ကို ထုတ်ပြန်ကာ ထိုင်းအစိုးရထံ တောင်းဆိုခဲ့သည်။

အဆိုပါအခမ်းအနားတွင် လွန်ဆွဲခြင်း၊ ဂုန်နီအိတ်စွပ်ပြေးခြင်း၊ စကောရွက်ခြင်း၊ ဇွန်းထဲသို့ ဘောလုံးထည့်၍ ပြေးခြင်း စသည့် အားကစားများကိုလည်း ပြုလုပ်ခဲ့ကြသည်။

နိုင်ငံတကာအမျိုးသမီးများနေ့ အခမ်းအနားသို့ ထိုင်းအာဏာပိုင် အချို့နှင့် မြန်မာရွှေ့ပြောင်းအလုပ်သမား ၂၀၀ ကျော် တက်ရောက်ခဲ့ကြသည်။
YCOWA

ဖုတ်ဖရမြို့နယ်တွင် ရောင်ခြည်ဦးအလုပ်သမားများအဖွဲ့မှ စကားဝိုင်း ပြုလုပ်


မဲဆောက်
မတ်လ ၈ ရက် ၂၀၁၅ ခုနှစ်

ထိုင်းနိုင်ငံ တာ့ခ်ခရိုင် ဖုတ်ဖရမြို့နယ် ၄၂ ကီလီမီတာရှိ learning Center တွင် ရောင်ခြည်ဦးအလုပ်သမားများအဖွဲ့မှ တောင်ယာအလုပ်သမားများအတွက် စကားဝိုင်းတခုကို မတ်လ ၇ ရက် ၂၀၁၅ ခုနှစ်၌ ပြုလုပ်ခဲ့သည်။

အဆိုပါစကားဝိုင်း၌ ထိုင်းနိုင်ငံတော် ငြိမ်းချမ်းရေးကောင်စီမှ ရွှေ့ပြောင်းအလုပ်သမားများအတွက် ပြုလုပ်ပေးနေသော ပန်းရောင်ကဒ်အကြောင်းကို ဆွေးနွေးခဲ့ကြသည်။

ပန်းရောင်ကဒ်ကိုင်ဆောင်ထားပြီး ပတ်စပို့ မလျှောက်ထားပါက လာမည့် ဧပြီလအတွင်း သက်တမ်းတိုးမည့် အစီအစဉ်တွင် ပါဝင်နိုင်ခြင်း မရှိဟု ရွှေ့ပြောင်းအလုပ်သမားရေးရာလုပ်ဆောင်နေသူတဦးက ပြောသည်။
ပန်းရောင်ကဒ် သက်တမ်းမှာ မတ်လ ၃၁ ရက် ၂၀၁၅ ခုနှစ်တွင် ကုန်ဆုံးမည်ဖြစ်ပါသောကြောင့် ပတ်စပို့လျှောက်ထားရာတွင် မတ်လ ၃၁ ရက် နေ့ မကုန်ခင် လျှောက်ထားရမည့် အကြောင်းများကို ဆွေးနွေးဖြစ်ခဲ့ခြင်းဖြစ်သည်ဟု ရောင်ခြည်ဦးအလုပ်သမားများ အဖွဲ့မှ လိုက်ပါဆွေးနွေးခဲ့သူ ကိုစိုးမိုးက ပြောဆိုခဲ့သည်။

ရောင်ခြည်ဦးအလုပ်သမားများအဖွဲ့သည် လစဉ် မြန်မာရွှေ့ပြောင်းအလုပ်သမားများအတွက် စကားဝိုင်းများ၊ လူ့အခွင့်အရေး၊ အလုပ်သမားအခွင့်ရေး၊ လိင်နှင့် လိင်ကွဲပြားမှုအခြေပြုသင်တန်းများ၊ အသက်မွေးဝမ်းကြောင်းသင်တန်းများ၊ အလုပ်သမားရေးရာစာစောင်များ၊ ဆေးခန်း၊ ခေတ္တခိုလှုံရာနေအိမ်များ ထားရှိ၍ မြန်မာရွှေ့ပြောင်းအလုပ်သမားများကို ကူညီဆောင်ရွက်ပေးလျက်ရှိသည်ဟု သိရသည်။

အဆိုပါစကားဝိုင်းသို့ မြန်မာရွှေ့ပြောင်းအလုပ်သမား ၂၃ ဦး တက်ရောက်ခဲ့ကြသည်။
YCOWA

Saturday, February 21, 2015

အလုပ်သမား သပိတ်စခန်း ဖြိုခွဲခံရ

မဲဆောက်
ဖေဖော်ဝါရီလ ၂၂ ရက် ၂၀၁၅ ခုနှစ်

ရန်ကုန်တိုင်း လှိုင်သာယာစက်မှုဇုန်ရှိ လုပ်ခလစာတိုးမြှင့်ပေးရေးတောင်းဆိုနေသည့် အလုပ်သမားများ၏ သပိတ်စခန်းကို ဇန်န၀ါရီလ ၂၁ ရက် ၂၀၁၅ ခုနှစ် ညနေ ၅ နာရီဝန်းကျင်ခန့်တွင် ရဲအင်အား ၂၀၀ ခန့်က လာရောက်ဖြိုခွဲသည့်အတွက် ရုန်းရင်းဆန်ခတ်ဖြစ်ပွားခဲ့ပြီး အလုပ်သမားအချို့ ဒဏ်ရာရရှိခဲ့သည်ဟု သိရသည်။

ညနေ ၄ နာရီခွဲက အလုပ်သမားသပိတ်စခန်းဖွင့်လှစ်ထားသည့် Forglory စက်ရုံသို့ ရဲ ၈၀ ခန့်က အင်အားသုံးဖြေရှင်းကာ သပိတ်စခန်းကို ဖယ်ရှားလိုက်ကြောင်း သိရသည်။
ညနေ ၅ နာရီဝန်းကျင်တွင် Costec စက်ရုံမှ အလုပ်သမားဖွင့်လှစ်ထားသော သပိတ်စခန်းကို အင်အား ၂၀၀ ခန့်ဖြင့် ထပ်မံဖယ်ရှားလိုက်ကြောင်း သိရသည်။

ညနေ ၅ နာရီ ၄၀ ခန့်တွင် E-Land Myanmar စက်ရုံရှေ့ဆန္ဒပြနေတဲ့ အလုပ်သမားတွေကို ၀င်ရောက်ဖယ်ရှားရာမှာ အလုပ်သမားများနှင့် ရုန်းရင်းဆန်ခတ်ဖြစ်ပွားခဲ့ပြီး အလုပ်သမားအချို့ ထိခိုက်ဒဏ်ရာရရှိခဲ့ပြီး၊ ရဲကားတစီးနှင့် ရဲများခေါ်လာသည့် လိုင်းကားတစီး ပျက်စီးသွားကြောင်း သိရသည်။

အလုပ်သမား ၄ ဦး ထိခိုက်ဒဏ်ရာရရှိခဲ့ပြီး ၂ ဦးမှာ အပြင်းအထန်ဒဏ်ရာရရှိထားသည်ဟု သိရသည်။
YCOWA

Friday, February 13, 2015

ဗိုလ်ချုပ်အောင်ဆန်း နှစ် ၁၀၀ ပြည့်အခမ်းအနား မဲဆောက်မြို့တွင် ပြုလုပ်


ထိုင်းနိုင်ငံ တာ့ခ်ခရိုင် မဲဆောက်မြို့ ဘန့်ဆောင်ခွဲကျေးရွာ ကောင်းကင်ပြာကျောင်းတွင် မြန်မာနိုင်ငံလွတ်လပ်ရေးဖခင်ကြီး ဗိုလ်ချုပ်အောင်ဆန်း နှစ် ၁၀၀ ပြည့်အခမ်းအနားနှင့် သွေးလှူခြင်းတို့ကို ရောင်ခြည်ဦးအလုပ်သမားများအဖွဲ့မှ ဦးဆောင်ပြုလုပ်ခဲ့ကြသည်။
 
အဆိုပါအခမ်းအနားတွင် ဗိုလ်ချုပ်အောင်ဆန်း မှတ်တမ်းဓာတ်ပုံများ၊ ဗိုလ်ချုပ်အောင်ဆန်း အတ္ထုပတ္တိများ ပြောကြားခြင်း၊ ဗိုလ်ချုပ်အောင်ဆန်းနှင့် ကျဆုံးလေပြီးသော အာဇာနည်ခေါင်းဆောင်ကြီးများကို အလေးပြုခြင်းတို့ ပြုလုပ်ခဲ့ကြပြီး၊ ကလေးငယ်များ စကားရည်လုပွဲ၊ ချောတိုင်တက်ပွဲနှင့် အမျိုးသမီး ဘောလုံးပြိုင်ပွဲတို့ကိုလည်း ပြုလုပ်ခဲ့ကြသည်။
 
အခမ်းအနားပြီးဆုံးပြီးနောက် ဒေါက်တာစင်သီယာမောင်ဖွင့်လှစ်ထားသော မယ်တော်ဆေးခန်းသို့ သွားရောက်ကာ သွေးလှူဒါန်းခြင်းကို ပြုလုပ်ခဲ့သည်။
 
အဆိုပါအခမ်းအနားသို့ နိုင်ငံရေးအင်အားစုများ၊ လူထုအခြေပြုအဖွဲ့အစည်းများနှင့် မြန်မာရွှေ့ပြောင်း အလုပ်သမားတို့ တက်ရောက်ခဲ့ပြီး လူဦးရေ ၂၀၀ နီးပါး ရှိသည်။
YCOWA

Wednesday, January 28, 2015

နှစ်နိုင်ငံနားလည်မှုစာချွန်လွှာ(MOU) အလုပ်သမား ၇၀ ကျော် လုပ်အားခ ပြန်လည် ရရှိ

Displaying image-857b370256af4fc96f05620db18773da4df76254c5f518a71c651ca243a78c9e-V.jpg
ထိုင်းနိုင်ငံ နွန်ထပူရီမြို့ Power Line စက်ရုံတွင် လုပ်ကိုင်နေသော အလုပ်သမား ၇၀ ကို လုပ်အားခ ၁၁၅၀၇၈၁ ဘတ် ပြန်လည် ရှင်းပေးလိုက်ပြီဖြစ်သည်ဟု သိရသည်။

၎င်းအလုပ်သမားများကို ထိုင်းနိုင်ငံ နွန်ထပူရီမြို့မှ မဲဆောက်မြို့သို့ လုပ်ငန်းရှင်မှ အလုပ်သမားများကို ပြန်လည်ပို့ဆောင်းခဲ့ခြင်းဖြစ်သည်။ 

Displaying image-6488579c3902ab4ff3e1449cc8f9da5391e5a0519b66c840265d0dd8d5e7c712-V.jpg
အဆိုပါအလုပ်သမားများသည် နှစ်နိုင်ငံနားလည်မှုစာချွန်လွှာဖြင့် လာရောက်ကြခြင်းဖြစ်သည်။ ၄င်းအလုပ်သမားများကို အေဂျင်စီမှ လုပ်အားခ ရှင်းပေးလိုက်သော်လည်း အလုပ်သမားများ၏ ပတ်စပို့များကို အလုပ်သမားများကို ကိုင်ဆောင်ခွင့်မပြုပဲ အေဂျင်စီမှ ကိုင်ဆောင်ကာ ထွက်ခွာခွင့်တံဆိပ်တုံး ထုလိုက်သည်ဟု သိရသည်။

ပတ်စပို့စာအုပ်များကို ပိုင်ရှင် ခွင့်ပြုချက် မရှိပဲ တုံးထုပါက တရားစွဲဆို၍ ရနိုင်သည်ဟု သိရသည်။
YCOWA

Monday, January 05, 2015

လွတ်လပ်ရေးနေ့ အထိမ်းအမှတ် စံပယ်ဖြူနေ့ကလေးထိန်းကျောင်းတွင် ပြုလုပ်



မဲဆောက်
ဇန်န၀ါရီလ ၅ ရက် ၂၀၁၄ ခုနှစ်

ဇန်န၀ါရီလ ၄ ရက်နေ့တွင် ကျရောက်သော လွတ်လပ်ရေးနေ့အထိမ်းအမှတ် အခမ်းအနားကို ထိုင်းနိုင်ငံ တာ့ခ်ခရိုင် မဲဆောက်မြို့ မယ်တောင်ကျေးရွာရှိ ရောင်ခြည်ဦးအလုပ်သမားများအဖွဲ့မှ ဖွင့်လှစ်ထားသော စံပယ်ဖြူနေ့ကလေးထိန်းကျောင်း၌  ပြုလုပ်ခဲ့ကြသည်။ 

ယခုအခမ်းအနားတွင် အာလူးကောက်ပြိုင်ပွဲ၊ ခရမ်းသီးရမ်း ပြိုင်ပွဲ၊ အပြေးပြိုင်ပွဲ၊ ချောတိုင်တက်ပြိုင်ပွဲ။ ပိုက်ကျော်ခြင်းခတ်ပြိုင်ပွဲ၊ ဘောလုံးဂိုးကျဉ်းပြိုင်ပွဲများ စသည့် အားကစားပြိုင်ပွဲများကို ပြုလုပ်ခဲ့ကြသည်။

ရောင်ခြည်ဦးအလုပ်သမားများအဖွဲ့သည် လွတ်လပ်ရေးနေ့အခမ်းအနားကို စံပယ်ဖြူနေ့ကလေးထိန်းကျောင်း၌ နှစ်စဉ်ပြုလုပ်လေ့ရှိသည်။

စံပယ်ဖြူ နေ့ကလေးထိန်းကျောင်းကို ရောင်ခြည်ဦးအလုပ်သမား များအဖွဲ့မှ ၂၀၀၉ ခုနှစ်တွင် စတင်ဖွင့်လှစ်ခဲ့သည်။ စံပယ်ဖြူနေ့ကလေးထိန်းကျောင်း ဖွင့်လှစ်ရခြင်း ရည်ရွယ်ချက်မှာ ရွှေ့ပြောင်းကလေးငယ်များ၏ ဘ၀ လုံခြုံတိုးတက်စေရန်နှင့် ကလေးငယ်များ၏ မိဘဖြစ်သူများ လုပ်ငန်းခွင်အတွင်း  နောက်ဆံမတင်းစေဘဲ လွတ်လပ်စွာဖြင့်  အလုပ်လုပ်ကိုင်နိုင်ရန် ရည်ရွယ်၍ ဖွင့်လှစ်ခဲ့ခြင်းဖြစ်သည်ဟု သိရသည်။
YCOWA