မဲဆောက်အခြေစိုက် Rays of Youth (ROY) အဖွဲ့၏ Peer Youth လူငယ်ခေါင်းဆောင်သင်တန်းမှ ဆရာမ ဂျိုလီဦးဆောင်သည့် ကျောင်းသားကျောင်းသူ ၂၀ ဦးသည် ၂၀ ရက် မေလ ၂၀၁၆ ရက်နေ့ နံနက်ပိုင်းတွင် ရောင်ခြည်ဦးအလုပ်သမားများအဖွဲ့ရုံးသို့ လေ့လာရေးခရီးအဖြစ် လာရောက်လည်ပတ်ခဲ့ကြပါသည်။ ရောင်ခြည်ဦးအလုပ်သမားများအဖွဲ့မှ ကျောင်းသားကျောင်းသူများအား ထိုင်းနိုင်ငံရှိ မြန်မာအလုပ်သမားများ၏ အခြေအနေများ၊ ရင်ဆိုင်ကြုံတွေ့နေရသောအခက်အခဲများကိုရှင်းလင်းပြောကြားခဲ့ပါသည်။
ရောင်ခြည်ဦးအလုပ်သမားများအဖွဲ့မှ မြန်မာရွှေ့ပြောင်းအလုပ်သမားများ၏ အခက်အခဲများကို ဖြေရှင်းဆောင်ရွက်နိုင်ခဲ့သည့် အမှုအခင်းအနိုင်ရရှိခဲ့မှုများကို ဆက်လက်ရှင်းလင်းခဲ့ပြီး ကျောင်းသားလူငယ်တို့၏ သိရှိလိုသည်များကို ရောင်ခြည်ဦးအဖွဲ့ တာဝန်ရှိသူများမှ ဖြေကြားခဲ့ပါသည်။
0 comments:
Post a Comment